Uztaileko osoko bilkura berezian emandako datuetan alkateak ia 50.000 euro kobratuko zituela aipatu zen, orain arte, bere lanpostuan, Arrasateko CANeko bulegoko zuzendari moduan, kobratzen zuen bera. Oñatiko Bilduk zenbateko horiek zehaztu gura izan ditu: "Alkateak 2.500 euro garbi irabaziko ditu hilero. 50.000 euro dira udaletxeari suposatuko dion kostu gordina. Bildu koalizioaren akordio barruan zehaztuta dago inor politikara dirua irabaztera ezin dela sartu, eta 2.600 euroko topearekin, aurreko lanpostuan irabaziko lukeena irabazten jarraituko duela", diote. Eurek emandako datuaren arabera, aurreko agintaldian alkatearen kostu gordina (soldata+aseguroak barne) 90.000 euro izan zen, Biainena baino %45 gehiago.
Uztailaren 7an egindako osokoan bestalde, Iosu Lizarralde irailaren 1etik aurrera liberatu egingo dela aipatu zen: %100ean udal laneratara zuzenduko da. Hark kobratuko duen soldata ez zuten aipatu. "Dena den irizpide berberak jarraituz onartuko da bere soldata, hau da, gaur egun kobratzen duena, 2.600 euro garbiko topearekin. Onartzen denean egingo dugu publiko", esan du Oñatiko Bilduk.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.