Eta pozik egotekoa da, Antton Taberna bete egin baitzen egubakoitz iluntzean Donostia, Andoain, Iruñea eta Oñatiko kideek osatzen duten taldea ikusteko.
Gora Gora Kids-ek iazko udan grabatu zuen Uaouh, Miauh &Yeah diskoko zortzi kantuak aurkeztu zituen, eta baita kantu berriak ere, hain justu, laster kaleratuko duten bigarren diskoan argitara emango dituztenak. Musikari aire fresko eta natural bat emanez, doinu sinple eta azkarrez erakarri zuten ikusleen atentzioa.
Helburua ondo pasatzea
Taldekideek argi dute helburua ondo pasatzea dela. Ez dute inolako mezurik helarazi nahi, euren xedea delako musikariek eurek eta baita ikusleek ere ondo pasatzea. "Guk primeran pasatzen dugu entseguetan eta baita kontzertuetan ere. Astean behin elkartzen gara entseatzeko eta hilean kontzertu bat eskaintzen dugu" azpimarratu zigun Arkaitz Villarrek.
Gaur hasiko dira, gainera, lau abestiz osatuko den single bat grabatzen. Aurrekoa ez bezala, oraingoa binilo formatuan kaleratuko dute.