Bigarren karlistada ondorengo giroa ekarriko dute Oñatiko plazara Olaitturri elkarteko kideek. 1845ean Oñati Gipuzkoara sartu zeneko gora beherak, eta kaletarrek eta auzotarrek zituzten kezkak azalduko dituzte. Baita ere, Oñati Gipuzkoara sartzeko oñatiarrek eskatu zituzten baldintzak ere.
Gazteen gorakada
Herri antzerkiaren aurkezpenean kultur elkarteko bost kide egon dira. Azaldu dute azken urteetan gazte asko batu direla taldera; hain zuzen, 2002tik hona 17 gazte. San Migel egunean eskainiko dute antzerkia, oraindik ordua eta lekua zehazteke dute, baina asmoa da arratsalde partean plazan egitea aurkezpena. Taula gainean eta taula atzean 60 bat lagun ibiliko dira lanean eta antzezlanak ordubeteko iraupena izango du. 60 lagun horietatik 28 aktoreak izango dira, 5 musikariak, 8 bertsolariak eta gainerakoak atzean lanean ibiliko dira.
18 bertso
Herri antzerkiak 5 ekinaldi izango ditu eta tartean bertsoak sartuko dituzte, denera 18 bertso. Testu guztia elkartearen webgunean dago.