Azpiazuren azken liburuan XVI. mendean Oñatik sufritu zuen izurritearen nondik norakoak kontatzen ditu. "1597ko udako beroekin sartu zen Oñatin izurritea. Peste bubonica deitzen zitzaion, baina herriak bere izen berezia jarri zion: gaixotasun beltza. Arkakusoek ekarrita, lepoan, besapean eta izterrondoan arrautza baten neurriko buboi mingarriak agertzen ziren. Sukar ikaragarriak eragiten zituen, eta gehienek ez zuten hirugarren egunetik aurrera egiten. Izurritea oso kutsakorra zen", kontatu digu Azpiazuk.
Haren eraginez oñatiar asko hil zen. Azpiazuk dituen datuen arabera 1.300dik gora lagun bi urtetan. "Kopurua izugarria da, kontuan hartuta ordu hartan 5.000 bat lagun bizi zirela Oñatin. Datuak fidagarriak dira", esan digu. Izurriteaz gaiz, krisiak, armadak eta goseteak gogor astindu zuten XVI. mende bukaera Oñatin.
Azpiazuren liburua dagoeneko salgai dago herri liburu-dendatan.