Aloña Mendiko gimnasia erritmikoko neskatilek eta gaztetxoek ikasturte bukaerako emanaldia egingo dute domekan Zubikoa kiroldegiko kantxan, 12:30ean. Aloña Mendiko 60 neskatilek hainbat koreografia egingo dituzte, banaka eta taldeka.
Visi Gutierrez irakaslearen aginduetara, gogor egin dute lan azken asteotan koreografiak ondo ikasi, eta irailetik landutakoak tapiz gainean erakusteko.
Beste talde batzuk
Oñatikoekin batera, Bergarako Arizmendi elkarteko hiru taldek euren dantzak erakutsiko dituzte. Talde horietan lau oñatiarrek dihardute. Tartean Lide Osinaga. Osinagaren taldea Gipuzkoako txapeldun izan da aurten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.