Baina, batuka eta koreografiaren artean, musika izango da protagonista. Tarte horretan bai, erakutsiko dute ikasturte osoan landu dituzten piezak. Lehenak ganbera-taldeko ikasleak izango dira. Euskal kantuak –Triste bizi naiz-eta–, modan dauden hainbat kantu –Lady Gagaren Bad Romance–, eta klasikoak –The Beatlesen Yestereday eta Mecanoren Hijo de la Luna– eskainiko dituzte.
Perkusio taldekoek Phil Collinsen kantu baten bertsioa egingo dute, xilofonoarekin, bateriarekin... Akordeoi taldekoek Lei it be-hey Jude eta The Lion sleeps tonight joko dituzte, besteak beste; eta triki-pandero taldekoek Kolore gabeko eta Bi neska-zahar.