Biltzarraren gai nagusia izango da Euskal lurraldeak eta nafar Estatua. Euskal lurraldeen, batik bat mendebaldekoen, eta nafar Estatuaren arteko hartu-emanak aztertuko dituzte. Gai nagusi horrek bi eztabaida esparru izango ditu: alde batetik, euskal lurralde historikoen lotura Nafar Erresumarekin; eta, beste alde batetik, mendebaldeko lurrek 1512ko konkistan jokatutako papera.
Bestalde, bi tailer egingo dituztela aurrera zuten: Antzinako dokumentuen irakurketa nola egin bata, eta Dokumentatzen ikasi, bestea. Gainera, Lope de Agirreri buruzko liburu baten aurkezpena egingo dute, eta musikaldia eta bisita gidatuak antolatzeko asmoa ere badutela esan zuten.
Nabarraldek antolatutako biltzarra irailaren 16an, 17an eta 18an egingo dute Oñatiko unibertsitatean. Gaur, eguaztena egin dute aurkezpena, eta ekitaldian egon ziren Nabarraldeko eta Udaleko ordezkariak. Biltzarra irailean izango bada ere, dagoeneko zabalik dago izenemate epea. Interesatuek irailaren 8ra arte eman dezakete izena 948 21 10 57 telefonoan edo info-biltzarra@nafarroa.biz helbidean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak