Duela bi urte egin zen Kantuan kaleanen lehenengo edizioa eta ekimenak orduan eduki zuen "arrakasta" ikusita, berriro esperientzia errepikatzea pentsatu du Ganbara Txikik. "Orduan izandako harrera beroak, berriro ere errepikatzera animatu gaitu", esan du Aitor Biain Ganbara Txiki eta Txikitxoko zuzendariak.
Denetara 225 ume inguru arituko dira zapatuan kantuan Olakuako agertokian. Hasiera baten talde bakoitzak bakarkako saio txiki bat eskainiko du. Ondoren, guztiek batera Mirrix Katua ipuin musikala abestu eta dantzatuko dute.