Maiatzaren 20an, egubakoitza, 'Bon Appétit' filma eskainiko dute Kultura etxean. Emanaldiaren ondoren zinema-foruma egingo dute filmeko protagonistekin. Kultura etxean izango dira, besteak beste, David Pinillos zuzendaria; Aitor Mantxola argazki zuzendaria; Aitor Perosterena atrezzoa egin duena; eta, Unax Ugalde aktorea. Gonbidapenak eskatu egin behar dira.
Aurrez zine komertzialean eskaini zuten filma; orain, baina, bertsio originalean eskainiko dute, azpitituluekin. 19:00etan izango da emanaldia eta ondoren zinema-foruma egingo dute aipatutako protagonistekin.
Parte hartu ahal izateko gonbidapenak eskatu behar dira kultura etxean, 16:30etik 20:30era. Pertsonako bina sarrera emango dituzte.
Ekitaldiko laguntzailea Soraluze ostatua da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.