Udaberrirako ibilaldiak programaren barruan antolatzen den seigarren ekimena da domekakoa. Ibilbidea herritar guztiei zuzenduta dago. Ondokoa bidea egingo dute txangolariek: Arrikrutzeko aparkalekutik Haitzulora eta hortik Orkatzategira. Gero Aitzgainera joko dute ibiltariek eta handik Santa Krutzeko Ermitara. Azkenik Araotzera helduko dira. Bidean 480 metro igotzeko bederatzi kilometroko bidea egongo da eta horren aurrean, antolatzaileak ibilbidea zailtasun ertainekoa dela esan dute.
Arrikrutzetik Orkatzategira ibilaldia egingo da domekan, Arantzazuko Adiskideak elkarteak antolatuta. Domeka atsegina eskaintzeaz gain, Arantzazuko ingurua hobeto ezagutzeko helburuarekin antolatu du elkarteak irteera. Irteera Arrikrutzeko aparkalekutik egingo da, 09:00etan, eta txangoak bost ordu iraungo ditu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak