Herritarrek etxean duten eta erabiltzen ez duten kirol materiala, material elektronikoa, umeen aulkitxoak eta, orokorrean, beste pertsona batzuei erabilgarriak izango litzaizkiekeen produktuak salmentan jartzea da helburua. "Berrerabiltzeari dagokion eta gure gizartean ematen ez zaion garrantzia indartzen saiatuz" antolatzaileek diotenez.
Maiatzaren 21ean eta 22an
Bi egunetan, maiatzaren 21ean eta 22an, goizeko 10etan hasiko da azoka, eta arratsaldeko 7ak arte iraungo du. Salduko den materiala, herritarren artean batuko dute,. Herritarrek eurek erabakiko dute zein preziotan saldu nahi duten produktua, eta eskuratutako diru horretatik zenbat nahi izango luketen Harreman Gobernuz Kanpoko Erakundeari eman.
Materiala zela batu
Materialaren bilketarako, bi aukera eskaintzen dituzte antolatzaileek:
- Oñatiko Enpresagintza fakultatean, astelehenetik egubakoitzera, goizeko 8etatik arratsaldeko 4ak arte.
- Oñatiko Gaztelekuan, astelehen eta martitzenean (maiatzak 16 eta 17), goizeko 10etatik eguerdiko ordu batera arte, eta eguenean (maiatzak 19), goizeko 10etatik ordu batera arte, eta eguerdiko ordu bietatik arratsaldeko 6ak arte.
Informazio gehiagorako edo antolatzaileekin harremanetan jartzeko: berdera2li.wordpress.com blogean edota 943 71 80 09 telefono zenbakian.
Batutako material guztia, blogean bertan agertuko da azoka egunaren aurretik. Horrela, azokan aurki daitekeen materiala ikusteko aukera izango da.