Apirilean ziren irudia ekartzekoak, baina lanak atzeratu egin dira. Eguaztenetik aurrera, beraz, Salomon erregearen irudiak, Pietatearen kaperako beste profeten ondoan izango du tokia. 60 zentimetro ditu Salomon erregearen irudiak, gainontzeko San Migel parrokiako profeten irudiak bezala. Erretaulan daudenak Artelan enpresak errestauratu zituen 1999an. Gipuzkoako Foru Aldundiak errestauratu du Xabier Martiarenaren eskutik, Salomonena.
San Migel Parrokiako Pietatearen Kaperatik duela ia 100 urte ostu zuten Salomon erregearen irudia bere jatorrizko tokira itzuliko dute, eguaztenean, hilak 11. Artelekun eduki dute azken bi hilabeteotan, zaharberritze lanak amaitu bitartean; Xabier Martiarenak izan du irudia eraberritzeko ardura, eta lanak bukatuta, mende bat geroago, Rodrigo Merkado de Zuazolak 1533an eman zion tokira itzuliko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak