Kale Zaharra musika eta jendez beteko da gaurtik. Askotariko ekitaldiak egingo dituzte. Festak hasteko, Alberto Arregiren omenezko txapelketako finalak jokatuko dituzte Olaiturrin. Ondoren, etxafuego jaurtiketarekin txorimaloak irtengo dira, eta ardo eta gazta dastatzeak egingo dituzte. 21:30ean rock kontzertua egingo dute Txuletons, Black River, EZ! eta Willis Drummond taldeek.
Auzoko emakumeen bazkaria
Bihar, 12:00etan, umeendako marrazki lehiaketa egingo dute eta 16:00etan haurrendako jolasak. Txorimaloak kalera irten aurretik, taloak, txorizoa eta sagardoa dastatzeko aukera egongo da. 19:30ean Mexikori eskainitako gau tematikoa hasiko dute. La Mexicana Clandestina taldeak kontzertua egingo du. Ondoren, bertsioen kontzertua egingo dute, 21:30ean: Sorotan Bele, Hertzainak, Edan eta Zopilotes Txirriaos taldeen bertsioak egingo dituzte.
San Migel Txikiak domekan bukatuko dituzte. Auzoko emakumeak bazkaltzeko elkartuko dira, eta 18:30ean Oñatz taldeko dantzari gazteek emanaldia egingo dute. 19:00etan Debagoieneko bikotekako bertso txapelketa jokatuko dute; hain zuzen ere, Oñatiko kanporaketa. 22:00etan Xakena Xak taldeak erromeria egingo du eta 00:00etan zozketa egingo dute. Eta, etxafuego jaurtiketarekin bukatuko dituzte jaiak.