Musika zikloaren 33. edizioa Aldaxka Trio taldeak irekiko du. Itziar Beitia –pianoa–, Jone Bolibar –klarinetea– eta Miren Urbieta –sopranoa– musikariek osatzen dute taldea. Musikarekiko pasioak batu zituen hiru neskak. Hala, Spohr, Brahms eta Schuberten pentagramen bitartez helaraziko digute musikarekiko pasio hori. Sarrera 6 euro izango da.
Domekako egitaraua
Santa Anan izango da kontzertua, domekan, 19:30ean. Eskainiko duten lanak izango dira: Aita Donostiaren Preludio Oinazez, Hommage à Carl Maria von Weber –B. Kovács–, Gretchen am Spinnrade – F. Schubert– eta Sechs Deutsche Lieder op. 103 – L. Spohr.
Hurrengo ekitaldiak
Datorren domekan, berriz, Javier Perianes piano-jotzaile ospetsuak jardungo du Santa Anan.
Maiatzaren 22an MUSIKALITÉ Brass Quintet taldeak eskainiko du kontzertua.
Maiatzaren 29an, ostera, Kup Ahots Taldeak jardungo du.