Ganbarakoek badakite zer den esandako lehiaketan parte hartzea: nagusien abesbatzak lehen saria eta entzuleen saria irabazi zituen 2003an.
Bestelako edizioetan bezala, oraingoan ere, euskal konpositoreen lanek pisu berezia izango dute programan: batetik, David Azurzaren Akerrak ken kantua aurkeztuko dute eszenografia bereziarekin; eta, bestetik, Josu Elberdinen lan berria estreinatuko dute, Dos canciones mañicas izenekoa. Horretaz gainera, Whitacreren The Seal Lullabay eta Hatfielden Amarillas abestuko dituzte. Domekan eskainiko dute emanaldia.
Oñatiarrek Kantabria, Madril, Valentzia, Valladolid, Murtzia, Badajoz, Teruel, Zaragoza eta Donostiako abesbatzak izango dituzte parean. Guztira, 13.250 euro banatuko dituzte sarietan.