Lapurrek pertsiana moztu eta sarraila apurtu ondoren sartu dira denda barrura. Alarmak jo arren, markadun kolonia guztiak eroateko denbora izan dute. "Bitxiena da alarma entzun arren, inguruko bizilagunetako inork ez duela lapurretaren berri eman", esan digu Idoia Laspita udaltzainburuak. Garbitzaileek eman dute abisua udaltzaingoan 07:00etan Kale Barria garbitzen hasi orduko.
Denda zabalik
Goiarakoek zabaldu dute denda dagoeneko. "Pertsiana konpontzen dabiltza, baina, bai, denda zabaldu dugu", esan digute orain dela gutxi. "Susto eta disgustu galanta hartu dugu, baina gauetan segurtasun gehiago ez dugun artean, halakoek pasako dira", diote.