Eguerdian, motorrak berotzen hasteko, salda eta txorizoa banatu zituzten Atzeko Kalean. Trikitxaranga ere ez zen falta izan, eta musika lagun, dantzarako gogoa eta alaiatasuna nagusitu ziren. Asko eta asko mozorrotuta ere ibili ziren kapela eta paper-txori edo pajaritak jantzita.
Giro ezinhobea
Bazkarian 200 lagun elkartu ziren eta menuan paella izan zuten.
Arratsaldean jaiarekin jarraitzeko, kontzertuak egon ziren Guria kanpoaldean, Kale Barrian. Taularen gainean: garai bateko Saz Le Bolo; Joxe Mari Anduaga; Kepa eta Ander; Drakes; CC627 eta Hertzainak taldearen bertsioak egiten dituen taldea eta JaviSound DJa. Jaia espero moduan luzatu egin zen; taberna kanpoan lehenengo eta barruan gero.
Apirilaren 30ean itxiko dute
Guriari agur esateko azken festa ospatu badute ere, oraindik zabalik egongo da hilaren 30era arte.