Hilaren 27ra arte hartuko dituzte txartelak. "Erosketa lasaia indartu gura dugu, erosketa ekologikoa. Karroa hartu eta erosketa egiteaz bat, beste denda batzuk ikusi beharko genituzke. Gainera, aprobetxatu behar dugu erdi guneko kaleak, eta laster, Atzeko kale oinezkoendako direla", esan digute Txandakoek.
Merkataritza-gune irekia
Lelo berria ezagutzera emateaz gain, beste ekintza batzuk ere abian ipiniko dituzte. "Teknologia berrietan sartu gura dugu. Webgunea berrituko dugu. Oraingoz lanean dihardugu".
Txanda txartelari ere bultzada emango diote. "Bere garaian txartel asko egin genituen, baina ez dute askotan erabiltzen. Hori indartzeko zer egin pentsatzen dihardugu. Oro har, gure helburu nagusia da Oñati merkataritza-gune ireki bat bilakatzea. Herritarrek gurean erosketak egin ditzaten egingo dugu lan", azaldu digute Txandakoek.