Ganbarako txikienei, kantu tailerrekoei heldu zaie euren musikala aurkezteko eguna. Matxinada sukaldean delako ikuskizuna egingo dute zapatuan, apirilaren 2an, 19:00etan, Santa Ana antzokian. Sarrerak salgai daude kultura etxean, arratsaldez, bost eurotan.
Antoni Miralpeix katalanak konposaturiko ipuina euskarara egokituta taularatuko dute 3-7 urte bitarteko 30 haurrek. Ipuinak, sukaldeko lapiko, zartagin eta gainontzeko tresnen istorioa kontatzen du. Beti tortillak prestatzen nazka eginda dauden lapikoen matxinada antzeztuko dute.
Jarraian, Ganbara Txikitxoak abesbatzak azken hilabeteotan landutako abestiak eta koreografiak erakutsiko ditu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.