Bai belarriak eta baita gorputzak ere; denak astindu zituzten atzo Oñatiko Gaztelekuan kontzertua eman zuten bi taldeek.
Bad Sound System talde irundarrak ireki zuen gaua: hasieran Selekta Stepi dj-a bakarrik, gero Masta eta Kenitra abeslariekin, kutsu sozialez betetako pieza erritmikoak uztartu zituzten.
Lehenengoz Euskal Herrian
Zion Train taldeak Euskal Herrian emandako lehen kontzertua izan zen egubakoitzekoa, emanaldi indartsua izan zen benetan: Neil Perchek audio mahaiarekin eta Dub Daddak mikroarekin, gogor astindu zuten Gaztelekua. Reaggea bai, entzun zen, baina Perchen soinu nahasketa eta jokoek, tekno sesio dantzagarriena bihurtu zuten gaua.
