Euskal preso politikoen senide eta lagunek bizi duten egoeraren sentsibilizazio eta kontzientziazio proiektua da erakusketa hau. "Proiektu artistiko eta kulturala da; baina, bereziki giza proiektu eta salaketa esparruan kokatzen duguna", azaldu dute Amnistiaren aldeko mugimenduko kideek.
12 kasu edo istorio
Erakusketa osatzeko azken hilabeteetan presoen senide eta lagunek frantziar zein espainiar espetxeetara egin behar izan dituzten bidai amaigabeei jarraipena egin diete. Hala, dispertsioak senide, lagun eta presoengan duen eragina 12 kasu edo istorioetan batu dituzte.
69 argazki
Erakusketa 69 argazkik osatzen dute, guztira 12 istorio. Bilduma bakoitzak bidaia bat erakusten du. Istorio horien izenburuak dira:
- Alaba maitea
- Munduari bira furgonetan
- Zure bizitzako gaua
- Kirol arriskutsuak
- Bi minutu
- Bi belaunaldi, destino bat
- Lehen mailako senideak
- Sakabanaketak eraildako senide eta lagunak
- Bisitak kilometrotan
- Dispertsioa zenbakitan
- Bakartze soziala
- Dispertsioa eurotan