Zapatuko kontrarioaren gainean galdetu diogu Sustrai Aloñako entrenatzaileari. Xabi Igartuak hauxe esan digu: "Puntu asko egiten dituen taldea da. Gaztea eta jokalari onak dituena; besteak beste; Bruesa, Van Oosmun, Ramon eta Diop. Kontuan hartu behar dugu Baskoniaren harrobiko taldea dela eta horietako batzuek, egunen baten, ACB ligan jokatuko dutela". Dena den, gasteiztarrei aurre egiteko lan egin dute asteon. "Guk egin beharko duguna da defentsan fin ibili euren erasoa geratzeko. Partiduari guri komeni zaigun erritmoa ipini. Horrekin guztiorrekin eta gure esperientziarekin gauzak zail ipiniko dizkiegu. Dena den, badakigu zaila izango dela; are zailagoa, etxetik kanpo jokatzen dugulako", dio Igartuak.
Zubikoa kiroldegiko kantxa bete egiten dute, eta zapatuan ez dute hutsik egingo. Sustrai Aloñak Fundacion Baskoniaren kontra jokatuko du Gasteizen, Oizmendin, eta zale oñatiarrak han egongo dira: autobuskada bat irtengo da 16:15ean postetxe aurreko geltokitik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak