Sentimenduz beteriko ordubeteko saioa eskaintzen du aktoreak, irudiekin eta musikarekin lagunduta.
Erditze batek ematen dio hasera antzezlanari, Irene Bau aktoreak horrenbestetan imajinatu, baina inoiz bizi ez duen erditzeak. Horrela, barneratzen gaitu aktoreak amatasun sentimenduetan.
Sentipen horiek Addis Abebara egiten duen bidaia batean pizten zaizkio protagonistari, adoptatu behar duen alabaren bila joaten denean. Bidaiako sentimenduak transmititzen dizkigu, eta, horretaz gain, albiste hori bere ingurukoek (ahizpak, amak, aitak eta lagunek) nola hartu zuten ere azaltzen digu.