Parte-hartzaileek ehiza baimena eguneratuta eta federatu txartela eduki beharko dituzte. Gainera, ezinbestekoa izango dute txapelketan txaleko islatzaileak erabiltzea. Txapelketa 09:00etan hasiko dute, eta 13:30era arte ehizan egiteko aukera izango dute parte-hartzaileek. Pieza gehien harrapatzen dituena izango da irabazlea.
Iaz, Jose Ignacio Leibarrek jantzi zuen txapelketa hamargarren aldiz. Bi eper eta hiru faisai ehizatu zituen. Haren atzetik sailkatu ziren Josu Lizarralde eta Mikel Otxoa-Angiozar lau eperrekin bakoitza eta Aitor Zugasti hiru eperrekin.