Life proiektuaren baitan Iturrigorriko padagian egingo duten kimaketaren ondorioz, 13-15 tona inguruko 40 kamioi bete su-egur aterako direla uste dute udal arduradunek. Herritarrek 500 eurotan eros ditzakete kamioikada bakoitza. Eskerak aurkezteko azken eguna bihar, hilaren 4a, da.
Su-egurra erosi ahal izateko Oñatin erroldatua egotea ezinbestekoa da. Herritar bakoitzak berak aukeratutako udalerri barruko tokian entregatuko zaio egurra. Hain zuzen ere, bost metroko eta 20-40 zentimetroko diametroko enborretan jasoko du.
Udal arduradunek ateratzea pentsatzen duten kamioikada baino eskaera gehiago baleude, zozketa egingo lukete. Zozketa egin eta bi hilabeteren buruan jasoko dute egurra eskaera egin dutenek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.