Izugarrizko dekoratua prestatu dute Ganbarako kideek, eta aurreratu dute sorpresaz betetako musikala izango dela.
Bi pertsonaia
Gurutz Gereta –Jon Ander– eta Sara Mantxola –Idoia– izango dira musikaleko protagonistak. "Hainbat aste ibili gara bi aktoreokin lanean, eta oso esperientzia polita izan da", azaldu du Aitor Biain abesbatzako zuzendariak.
Musikalaren argumentua da: Jon Anderrek eguraldi iragarpen zehatzak egiten ditu, denak txundituta utziz; iragarpenak, baina, etxean duen txori bati esker egiten ditu.
Musikalaren aurretik, Munduari begira muntaia aurkeztuko du Ganbara Txikitxoak abesbatzak. Munduko abestiak eskainiko dituzte.
Sarrerak aurrez daude salgai
Txori meteorologoa musikalaren bi saio eskainiko dituzte domekan: 17:00etan eta 19:00etan izango dira. Sarrerak Oñatiko Kultura etxean daude salgai 5 euroren truke.