009ko datuekin aldaketarik ez duena da isun gehien jarritako kalea, beste behin, Bidebarrieta dela. Salaketa guztien %15 –106 isun–kale horretan jarri zituzten.
Beste kale eta gune aipagarriak hauek dira: Portu kalea, Santa Marina plaza eta BBVAren aurreko zamalanak egiteko gunea –bakoitzean 71 salaketa jarri zituzten–, Kale Zaharra, San Anton kalea eta Errementari plaza.
Gehienak, ordainduta
Udaltzaingoan emandako datuen arabera, 2010ean jarritako salaketa gehienak autoa gaizki aparkatzeagatik jarri zituzten; besteak beste, espaloi gainean, txartelik gabe elbarrien aparkalekuetan, marra horia dagoen tokietan eta zamalanak egiteko guneetan.
Salaketa jaso zuten herritar gehienek isuna ordaindu dute dagoeneko (%72). 91 lagunek (%12) alegazioak aurkeztu zituzten eta onartu egin zitzaien. Hori horrela, jarritako salaketen %16 kobratu barik dituzte oraindik. Hain justu, 113 isun. Horiek guztiak datozen asteotan kobratzea espero dute.
Arinak, larriak eta oso larriak
Auto-gidariek hausten duten legearen arabera isun arina, larria edo oso larria jaso dezakete. Iazko salaketen %83 arinak izan ziren eta jabeek 30 euroko zigorra jaso zuten. Isuna jaso eta 20 eguneko epean ordainduta %50eko deskontua izan zuten. Bestalde, isun larriak jaso zituztenek (%14) 200 euroko zigorra zuten ordaintzeko, eta, arinen moduan, %50eko deskontua 20 egunen buruan ordaintzearren.
Iazko salaketa oso larriak (%3), errepidean egindako alkohol-probetan positibo ematearren, Ertzaintzak jarritako isunak izan ziren.