Gosari osasungarrien kanpaina heldu da Oñatira. Errekalde Herri Eskolako bosgarren mailako neska-mutikoek gosari ederra dastatu zuten. Hain zuzen ere, esnea, kakaoa, eztia, indioilarra, fruta, ogia eta olioa jan zituzten eskolako jangelan. Modu horretan, goizero behar bezala gosaltzeak duen garrantziaz jabetzea lortu gura dute.
Mahaiaren bueltan jarri aurretik, informazio-bideo bat ikusi zuten Txirri, Mirri eta Txiribiton junior taldeko kideen eskutik. Gosari osasungarri baten garrantzitsuak dira jakiak zeintzuk diren azaldu zieten, eta bakoitzak zertarako balio duen: zerealak gorputzaren gasolina dela, olioak gorputzeko atalak ondo koordinatzeko balio duela, hobeagoa dela fruta osorik jatea zukua egin ordez...
Elkar Hezi ikastetxekoek ere probatuko dituzte gosari osasungarriak. Hain zuzen ere,martxoaren 2an.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.