Hurrengo astetik aurrera, Atzeko Kalen hasiko dira. Kirrineko bidegurutzetik hasi eta Eskolatxo okindegirainokoa izango da lehenengo fasea. Ondoren, Atzeko kalean gora egingo dituzte lanak; lehenengo, kalearen eskuin aldea egokituko dute, eta ondoren, ezkerra.
Kale Barriako sistema bera
Kale Barrian bezalako sistema erabiliko dute Atzeko kalen ere: alegia, oinezkoentzako egokituko dute, baina merkatariek zama lanak egin ditzaten, ordu batzuetan zabaldu egingo dute; goizeko 8etatik 12ak arte, printzipioz. Hori horrela, Boga tabernaren parean eta Urtaza dendaren ondoan pibotak jarriko dituzte. Eguneko ordu zehatz batzuetan Atzeko kalen autoarekin ibili ahalko da, Kale Barrian eta Kale Zaharrean egiten den moduan.