Gustura, oso pozik baina, era berean, nekatuta itzuli dira Aitor eta Sara Mantxola aita-alabak Goya sarien galatik; euren eskuekin ukitutako bi Goya irudiekin sentitutakoak ez dituzte, bada, berehalakoan ahaztuko. Oñatira ekarri dituzte, bada, parte hartu duten filmeen 'Una caja de botones' (Film Labur onenaren saria) eta 'Bon Appétit' (Zuzendari Berriak saria eskuratu duena) bi sarien zatitxo bana.
Madrildik Oñatirako bidean autoz zetozela egin genuen hitzordua Mantxolatarrekin. Eskuetan zuten aktore ezagunekin ateratako argazkiak gordetzen zituen argazki kamara; han zeuden, besteak beste, Unax Ugalde, aktorea; Lucia Etxebarria, idazlea; Karmele Soler, makilatzailea; Alex Angulo, aktorea, eta beste hainbat...
Goyaren aitona Zeraingoa
Galan zeuden askoren arreta piztu zuten Mantxolatarrek, sarien ikur den Goyaren aitona, Zerainen bizi zela kontatzerakoan; are gehiago, Zeraingo Mantxola baserria bizileku zuela gaineratzean. Iragarle edo sorginek iragarritakoa dirudi: Mantxolatarrak Goya sarietara egunen batetan helduko zirela!
Elkarrizketa osoa entzungai hemen
Horrelako bitxikeriak eta gehiago entzun gura izanez gero, Aitor eta Sara Mantxolak Arrasate Irratian kontatutakoak dituzue jarraian entzungai.
