Ikusleak etorkizuneko Euskal Herrira eraman gintuzten; hildakoak usteltzeari utzi zioten garairaino, hau da, bizidun zein bizigabeak elkarrekin bizitzera behartuta zeuden garairaino.
Ezagutu ez zuten aitaren gorpuaren erantzule bilakatu zituen Gelnst eta Zprist anaiak, Snifst funtzionarioak. Hiru horien arteko elkarrizketa da, bada, istorioaren haria, Stingst (Ander Fernandezek) jotako gitarraren soinuek lagunduta.
Café Bilbao saria eskuratuta duen Oier Guillanek idatzitako 'Herio Heroi' lanaren irakurketa dramatizatua egin zuten Oier Guillan (Orereta), Ainhoa Alberdi (Zarautz) eta Donostiako Amaia Corral aktoreek, egubakoitzean, Oñatiko gaztetxean. Gustura jarraitu zuten kontakizuna gaztetxeko aretora hurbildu ziren ikusleek. Saioa amaituta, elkarrekin afaldu zuten, aktore, ikusle eta antolatzaiieek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak