'Herio heroi' antzerkiaren irakurketa dramatizatua egingo dute egubakoitzean Oñatiko Gaztetxean

Oñatiko Gaztetxean izango da hitzordua, egubakoitzean, 20:30ean. 'Herio heroi' egoera absurdo batetik abiatuta umorearen bitartez gaur egungo gizartearen hainbat jarrerari errepasoa egiten dion antzezlana da. Parte hartzaileak: Ainhoa Alberdi, Amaia Corral eta Oier Guillan dira, eta musika Ander Fernandezena da. Emanaldiaren ondoren "goxo afaltzeko" aukera egongo da Oñatiko Gaztetxean bertan.