Astelehen gauean piztu zen sua Errekalde herri eskolaren beheko aldean dauden musika taldeen entsegu lokaletako batean; bederatziak inguruan jaso zuten abisua Udaltzaingoan, eta udaltzainak ez ezik, ertzainak eta suhiltzaileak ere bertaratu ziren.
Peritua noiz pasako zain daude uneotan eta, behin hori egindakoan, garbiketa eta konpontze lanei ekingo diete. Bien bitartean, lokala itxita dago eta bertan entseatzen duten hiru taldek –CC 627 eta oraindik izenik ez duten beste bik– beste lokaletako batean entseatu beharko dute. Musikari horietako batek esan digunez, pare bat astez itxita egongo da euren lokala.