Oñatiko karatekak lehiatu ziren kata modalitatean, eta guztiek lan bikaina egin zuten arren, azpimarratzekoak dira podiumera igo zirenek egindakoa. Alde batetik, alebin nesketako kata txapelketan, gerriko zuri-horitik berderainoko parte-hartzaileen artean, Lide Fernandez lehen tokian sailkatu zen, eta Ane Guridi bigarrenean. Beste alde batetik, alebin mutilen kata proba –gerriko zuri-horitik laranjaraino– Mikel Untzurruntzagak irabazi zuen. Aritz Leza bigarren sailkatu zen, eta Adrian Perez eta Imanol Astudillo hirugarren.
Eibarren jokatutako txapelketa eskolarteko mailakoa izan zen, eta Oñati, Aretxabaleta eta Bergara hainbat neska-mutikok parte hartu zuten. Aloñako karate sailak 12 ordezkari eroan zituen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak