Honekin, Udalak konpromisoa hartu du datozen urteetan energia kontsumoa %20 murriztuko dutela eta aurrezpen horrekin bat, energia eskariaren %20 energia berriztagarrien bidez hornituko dela. Erkidegoan EEE (EVE) erakundea da bultzatzailea eta Oñatirekin batera beste 10 udalerrik hartuko dute parte.
Hiru hiriburuak, Areatza, Irun, Amezketa, Abanto-Zierbena, Balmaseda eta Basauri daude Oñatirekin batera egitasmo honetan; erkidegoko biztanleen %42a hartzen dute herri horiek, hain zuzen ere. Helburua da 2020 urterako CO2 emisioak gutxienez %20 murriztea eta udalek, horretarako, energia berriztagarriak erabiliko dituzte (%20 da lortu gura dute kopurua) eta kontsumoa ere %20 murriztuko dute. Orain udal bakoitzak hori lortzeko garatuko dituen planak jasoko dituen dokumentua prestatu beharko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.