Denboraldiko lehen eski irteera bertan behera geratu arren, beste hiru irteera egingo dituzte Aloña Mendikoek: aste bukaerakoak bi, eta aste osokoa bestea. Hain zuzen ere, Baqueira Bereteko irteerak egingo dituzte otsailaren 25etik 27ra eta martxoaren 25etik 27ra; eta aste osoko irteera Tignes-Val Disere estaziora, apirilaren 22tik 30era.
Forfaitak merkeago
Bestalde, Aloña Mendik Aragoiko eski estazioekin duen hitzarmenari esker, Formigal, Astun eta Candanchuko forfaitak merkeago erosi ahal dira Oñatin. Hain zuzen ere, Mendizabal kirol dendan.