Bedita Larrakoetxea Udal Euskaltegiak etorkinendako euskara ikastaroa antolatu du, iaz egindako moduan. Aisa, etorkinak euskara ikasten leloarekin Oñatiko etorkinengana heldu gura dute.
Ekainaren 13ra arte
Izena ematerakoan ordainketa egin beharko da. Ikastaroaren prezioa 22,50 euro da: 10 euro matrikulagatik eta 12,50 ikas-materialagatik. Euskaltegikoek 60 orduko ikastaroa egin gura dute: otsailaren 10etik ekainaren 13ra. Izenematea bukatzean, ikasle kopurua ikusi eta taldeak antolatuko dituzte. Ordutegia eta eskola egunak ere zehaztu barik dituzte. Horiek, ikasleekin adostuko dituzte.
Ikastaroaren helburua da etorkinak euskarara hurbiltzea. Etorkin askok urteak daramatzate Oñatin eta beharrezkoa zaie euskara ezagutzea: euren seme-alabei etxeko lanetan laguntzeko, lagunekin berba egiteko, erosketak egiteko... Gutxieneko maila lortzeko aukera izango dute. Ikastaroa teoria landuz, euskararen oinarrizko ereduak landuz hasiko dute. Aurrerago praktikak egiten hasiko dira.
Euskaltegikoek dei berezia egiten diete etorkinei ikastaroan parte har dezaten.