Hilaren 18an eta 20an hitzaldi bana egingo dute. Haurrendako masajeen gainean egingo du berba Miren Galdos masaje irakasleak hilaren 18an. Bestalde, Amaia Diaz diestistak 4 hilabetetik aurrerako umeendako elikaduraz jardungo du hilaren 20an.
Ate irekiak
Hilaren 21an, egubakoitza, ikastolako ateak zabalduko dituzte. Seme-alabekin batera 0-2 urte arteko haurren gelak ikusteko aukera izango dute gurasoek 17:00etatik 19:00etara. Ordu horretan, Potxin eta Patxin pailazoek emanaldia egingo dute. Azkenik, hilaren 26an eta 31an musika eta informazioa izango dira nagusi: haur txikiek ikastolan abesten dituzten kantuak eta egiten dituzten koreografiak ikasteko aukera izango dute gurasoek. Bukatzeko, urtarrilaren 31ean batzar informatiboa egingo dute ikastolako proiektu pedagogikoa eta funtzionamendua azaltzeko.