Gaur, astelehena, zabalduko dute izenemate epea eta eguaztenean izango da hurrengo eguna. Eski saileko kideak egongo dira Aloña Mendiko tabernan, astelehenetan eta eguaztenetan 19:00etatik 20:00etara. Izena emateko hara joan behar da.
Baqueira Beretera irteerak
Aste bukaerako hiru irteera antolatu dituzte Baqueira-Beret eski estaziora. Lehenengo irteera hil honetan bertan izango da, urtarrilaren 28tik 30era. Hurrengoak otsailaren 25etik 27ra eta martxoaren 25etik 27ra izango dira.
Gainera, aste osoko irteera antolatu dute Frantziako alpeetako Tignes-Val d'Isere estaziora, apirilaren 22tik 30era (Aste Santua).
Eski zeharkaldi ikastaroa
Eski zeharkaldiko ikastaroa hiru mailetan banatuko dute: altua, ertaina eta baxua. Martxoaren 11n, 12an eta 13an egingo dute Baqueirako estazioan.