Parrokiako misio taldeak antolatuta elkartasun afaria egingo dute egubakoitzean 20:30ean, Bidaurretako fraideen aretoan. Urteko azkena izango da, eta oraingo honetan Mari Karmen Markuleta eta Yago Abeledon karta batzuk irakurriko dituzte, eta Haitiren gaineko azken berriak azalduko dituzte.
Bestalde, Parrokiako misio taldeak parte hartuko du Elkar Hezik antolatuta zapatuan egingo den azokan. Besteak beste, Kolonbiako proiektuaren gaineko informazioa; Hermansoloñaren gaineko albisteak, eta bidezko merkataritza produktuen salmenta jarriko dute. "Arrasateko Eroskiko Bidezko Merkataritzako dendatik ekarriko ditugu produktuak; bakar-bakarrik, janariak eta edariak", esan digute antolatzaileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.