Guztira, 55 argazkilarik egindako 186 argazki jaso ditu Aloña Mendi mendi sailak lehiaketarako; iaz baino, 31 gehiago (2009an 155 jaso zituzten). Horietatik 142 mendia eta natura atalean lehiatuko dira (iaz 111), eta gainerako 44ak denuntzia edo salaketa atalean (iaz 44 erretratu). Epaimahaiak erabakia hartu bezain laster, irabazleei jakinaraziko diete.
Sari banaketa ekitaldia hilaren 17an egingo dute kultura etxean, eta ondoren erakusketa zabalduko dute. Urtarrilaren 2ra arte ikusgai egongo dira lehiaketara aurkeztu diren argazki onenak. Egunero zabalduko dute 18:00etatik 20:00etara, abenduaren 24an, 25ean, 31n eta urtarrilaren 1ean izan ezik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.