Oñatiko Udalak III. Erakusleiho lehiaketa deitu du. Parte hartu gura duten komertzioek abenduaren 10a baino lehen eman behar dute izena udaletxeko harrera bulegoan, Turismo Bulegoan edo Garapen Ekonomikoa, Enplegua eta Merkataritza Sailean (Bidebarrieta, 12). Udalak 4.500 euro banatuko ditu. Sari banaketa ekitaldia abenduaren 30ean egingo dute.
Epaimahaiak diseinua, orijinaltasuna, irudimena, argiztapena, gaia eta berrikuntza baloratuko ditu. Guztira sei sari banatuko dituzte: lehen saria (1.500 euro), bigarrena (1.000 euro), hirugarrena (500 euro), laugarrena (300 euro), bosgarrena (200 euro), herritarrek aukeratutako saria eta sari berezia (500 euro bakoitzarendako). Azken horretan urtean zehar egindako erakusleiho aldaketa baloratuko du epaimahaiak. Bestalde, herritarrek boto bidez aukeratuko dute gustuko duten erakusleihoa. Botoa eman ahalko dute abenduaren 28ra arte Kontzejupetik aldizkarian jasoko duten txartelarekin. Udaletxeko harrera bulegoan, Turismo Bulegoan edo Garapen Ekonomikoa, Enplegua eta Merkataritza Sailean entregatu ahalko dira botoak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak