Patxi Uribarren: "Naturari lotutako aisialdirako azpiegiturak sakondu behar ditugu"

Landa Garapeneko Foru Diputatu Rafa Uribarrenek eta Mendietako zuzendari Asier Arresek Parke Naturalen Gizarteratzeari buruzko hitzaldia eskaini zuten Oñatiko Kultura Etxean atzo. Lourdes Idoiaga alkatearen laguntza izan zuten Uribarren eta Arresek aurkezpena egiterakoan. Parke naturalak gizarteratzeko eta bertan geratzen diren erabilera guztien kudeaketa egiteko hainbat puntu azaldu zituen Uribarrene.

Puntu horiek dira: Gipuzkoako Parketxe sarea, egokitutako ibilbideak, TALAIA senda, Gipuzkoako bide sarea eta gizarteratze programa. Azaldu zuen lehenengo egokitutako ibilbidea Gomiztegi eta Arantzazu artekoa izan zela; ondoren, Aralar eta Larraitz artean egin zuten beste bat.

Bi apustu


Uribarrenek gaineratu zuen apustuak bi direla: "Alde batetik, parke naturaletako kudeaketa lideratu; eta, bestetik, naturari lotutako aisialdirako azpiegiturak sakondu".


Kudeaketaren eboluzioa


Asier Arresek parke naturalen kudeaketak izan duen eboluzioari buruzko hausnarketa egin zuen: "Parke Naturalen kudeaketan kalitatezko politikak ezartzen gabiltza; eta, parketxeetan, ibilbideetan eta irisgarritasunean gabiltza inbertitzen".

30 lagun egon ziren hitzaldian


30 lagun inguru egon ziren hitzaldian. Amaieran galderak egin zituzten: onddoak izan zituzten berbagai, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.