Zubikoako aparkaleku itxietarako deialdi berria egin du Udalak

Lehenengo deialdian eman barik geratu ziren zortzi aparkalekuak 50 urterako utziko ditu Udalak, administrazio-erregimenean. Pasa den asteko osokko bilkuran baldintzak onartu ziren. Deialdia Gipuzkoako Aldizkari Ofizialean argitaratu ondoren zabalduko da eskaerak aurkezteko epea.

Bi tamainako garajeak

Lehenengo deialdian eman barik geratu ziren zortzi garajeak bi tamainakoak dira: 30 metro koadroko bost garaje, eta 23 metro koadroko beste hiru. Gainera, aparkaleku bakoitzak duen azaleraren arabera, erabilera eskubidearen truke ordaindu beharreko kanona ezberdina da: 27.500 euro, handienen kasuan, eta 21.500 euro, txikienean kasuan. Kanon hauei BEZa gehiatu behar zaie.

Bi baldintza bete behar dira

Zozketan parte hartu ahal izateko bi baldintza bete behar dira: Oñatin erroldatuta egotea edo enpresaren egoitza soziala Oñatin alta emanda egotea, eta turismo baten jabe izatea. Gainera, zozketan parte hartzeko, 2.700 euroko behin-behineko bermea ordaindu beharko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.