Zilarrezko Q-a MUren Enpresa Zientziei eta ULMA Forjari

Mondragon Unibertsitateko Enpresa Zientzien fakultateari eta Ulma Forja lantegiari Zilarrezko Q-a eman die Euskalitek kudeaketaren bikaintasunaren errekonozimendu gisa.

MUko Enpresa Zientzien fakultatearen kasuan, EFQM kalitatearen europar ereduaren araberako ebaluazioak 400 puntu baino gehiago eman dizkio. Abenduaren 19an jasoko dute Zilarrezko Q-a, Kursaalen egingo den ekitaldian.


Ulma Taldeko Forja negozioari dagokionez, eskuratu berri duen Zilarrezko Q-az gain, ingurumenarekin lotutako ISO 14001: 1996 ziurtagiria dauka, eta baita Lloyd´s Register Quality-n ISO 9001: 2000 enpresa erregistratuaren ziurtagiria ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.