Hiru dirulaguntza mota
Udalak eta Txanda dendarien elkarteak adostutakoaren arabera, hiru laguntza mota emango dituzte. Alde batetik, 625 euro jasoko dituzte abuztu osoan, goiz eta arratsaldez, ohiko ordutegian zabaltzen duten negozioek. Beste alde batetik, 350 euroko laguntza izango dute abuztuan bi astetan jarraian, goiz eta arratsaldez, ohiko ordutegian zabaltzen dutenek. Azkenik, 300 euro jasoko dute abuztu osoan, baina goizez bakarrik, ohiko ordutegian zabaltzen dutenek.
Merkatariek zerbitzu ona ematen dutela ziurtatzeko, udal arduradunek egunen eta ordutegien kontrola egingo dute.