Diskoak saldu
Oñati 2zirik bira otsailaren 20an hasi zuten Arrasateko gaztetxean. Ordutik sei kontzertu egin dituzte, eta gustura daude emaitzarekin. "Kontzertu guztietan jende asko egon da, eta gehienetara autobusean joandako Oñatiko jendea egon da. Oso gustura gaude, gure musika erakusketa eta disko batzuk saltzeko aukera izan dugulako", esan digu Bitz taldeko Unai Murgiondok. Biran lan asko egin dutela esan digu: "Hiru hilabeteko lana izan da. Emanaldi guztietan ez gara sei taldeak egon, baina lan nekagarria izan da. Dena den gustura ibili gara eta triste gaude, dio Murgiondok.
Bestalde, bihar gaztetxean Mikel Laboaren bertsioak egiten dituen Mikaela piton taldeak emanaldia egingo du 21:30ean. Aurretik, globoflexia tailerra eta afaria egingo dituzte.