Zañartuko argiztatzea datorren urterako bukatu gura dute

Zañartu auzoko argiteria berritzeko lanak laster hasiko dituzte. Lourdes Idoiaga alkateak esandakoaren arabera, Foru Aldundiaren Errepide Zuzendaritzaren baimenaren zain daude lanak hasteko: "Zuazola zubitik Etxe Aundi jatetxe arteko bidea Aldundiarena da, eta zutikako argiontziak jartzeko euren baimena behar dugu. Laster jasotzea espero dugu; hortaz, argiztatzea jartzeko lanak, datorren urtean bukatuko ditugu".

Lanak hiru fasetan

Udal arduradunek prest dute Zañartu eta Garagaltza arteko errepidean egin beharreko lanak zehazten duen proiektua. Miguel Angle Nuñez ingeniariak egindako txostenaren arabera, lanak hiru fasetan egingo dituzte: lehenengo fasean, Etxe Aundi jatetxetik Mugartza baserriraino Iberdrolak dituen zutabeak aprobetxatuko dituzte; bigarren fasean, Mugartzatik Zuazola zubirainoko  argiteria jarriko dute; eta hirugarrenean, Zuazolatik kanposanturainokoa. Guztira, 159.332 euro gastatuko ditu Udalak argiteria ipintzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.