Xabier Mugarza Aiastui oñatiarrak ordezkatuko du Jose Luis Madinagoitia Ulma taldeko lehendakaritzan. Mugarzak 33 urte ditu eta Enpresa Zientzian lizentziatua da. 1998az geroztik dihardu Ulman lanean. Bost urte eta erdi eman ditu Ulma Construccionek AEBetan duen egoitzan finantza arduradun lanetan. Egun, Ulma Construccioneko lehendakaria ere bada Xabier Mugarza.