Guztira, 3.714 pertsona pasa dira Turismo Bulegotik udan: 1.658 uztailean eta 2.056 abuztuan. Iazko datuekin alderatuta 300 turista gehiagok erabili dituzte Turismo Bulegoko zerbitzuak. "Egia esan, bisitari kopuru txikiagoa espero genuen, baina udako tenperatura altuekin turistek barnealderako joaera hartu dute", esan digute bulegoan.
Atzerritarrak
Herrian ibili diren turisten jatorriaren arabera, beste behin, euskaldunak (1.156) eta katalandarrak (773) izan dira ugarienak; baina, Espainiako estatuko beste hainbat tokitakoak egon dira; besteak beste, Valentziatik, Nafarroatik, Madrildik, Andaluziatik eta Aragoitik. Atzerritarrak ere egon dira Oñatin; hain zuzen, Frantziatik, Alemaniatik, Holandatik eta Italiatik.